Jujur Ngolu Ni Op. Shalomita Doli
Loloan napinarsangapan, amanta raja, inang soripada, naliat nalolo di hamu saluhutna, raja ni hula-hula, tulang rorobot nami, dohot bona tulang maradu sude hula-hula nami dohot sude saluhutna nahuparsangapi hami raja ni dongan tubu, dohot dongan sahuta.
Ia ompung naumpoppar hami ima Sintua Adonia manang Op. Johanna Sibarani mangalap boru Aruan: 3 anak, 2 boru. Marujung ngolu ma Ompung boru nami on, marhasohotan ma muse tu boru ni raja i boru Hutajulu. Dibasabasa on Tuhanta 4 baoa, 5 boru. Pungu ma sude 7 baoa, 7 boru.
Gabe do sude namboru nami on sahat tu na marpahompu di anak dohot boru.
Op. si Riama na mangalap boru Harahap anakna 7: 5 baoa, dohot 2 boru.
Ia dahahang on Op. ni si Juan, tubu di tanggal 27 November 1951. Marhasohotan tahun 1979 dohot Op. Juan boru Marbun-Banjarnahor sian Dolok Sanggul tubu ni nantulang nami boru Manurung dibasabasaon Tuhanta ma 5 dakdanak: 2 baoa, 3 boru.
Torop ni pinompar ni dahahang on, pungu ma sude 14 halak.
Ia parsahiton ni abang on nunga hira-hira 4 taon, jala nunga mulak hulak marubat tu rumah sakit. Di tanggal 12 April 2015 masuk ma muse tu Rumah Sakit Ibnu Sina Pekanbaru ma abang on. Jala marujung ngolu ma abang on di tanggal 14 bulan 4 taon 2015 jam 00.30 hari Selasa. Tutup umur ma dahahangon 64 taon.
Amanta raja, inang soripada naliat nalolo ro di sude hamu namanghaholongi hami, asa boan hamu hami di tangiangmu, tarlumobi di inang nami Op. ni si Juan boru natininggalhon ni dahahang on ro di sude nian saluhut pinompar ni dahahang on. Asa dilehon Tuhanta hagogo on dohot pasupasu asa tumibu tarapul roha nami jala tarlumobi di anak nami si Marcos, dilehon hagabeon. Dohot dianak nami si Gabriel dipasaut sitta sitta ni rohanna jala dapotan rokkap.
Songon ni ma jujur ngolu ni dahahangon mauliate ma.
Pekanbaru, 16 April 2015
Dalam tapestri sejarah dan budaya, nama Sibarani menonjol sebagai simbol keagungan dan tradisi yang mendalam.…
Telah dipanggil ke rumah Bapa di sorga amangboru/lae kita M. Sitompul/Br. Sibarani (Op. ni Si…
Pada Sabtu, 23 September 2023, PORSIB Jabodetabek menghadiri Pesta Unjuk Denny Nugraha Pardomuan Sibarani, A.Md…
Telah dipanggil ke rumah Bapa di sorga namboru/ito kita Ny. Siagian Br. Sibarani (Op. ni…
Tugu Raja Sibarani, proyek monumental yang mencerminkan kebanggaan dan warisan budaya marga Sibarani, telah mengalami…
Pada Sabtu, 9 September 2023, PORSIB Jabodetabek menghadiri Pesta Unjuk Ruben Nehemia Sibarani, S.I. Kom…
This website uses cookies.